سلام يالي تفعل الطيب بيمناه = الي على كسب النواميس ضاري

مسير شقير بن الرجال المسماه= نسل الشيوخ اهل القنا والشباري

من طيب ابوه وطيب جده ومجناه = الطيب في مسير نشوفه جباري

حرٍشهر من ماكره لاعدمناه = عليه من جده وصوف ومواري

الشيخ مسير راعي الطيب والجاه= له كلمةٍمثل القرار الاداري

وله هيبةٍتصعب على غيرشرواه = من غير ابوفيصل يدوس الغداري؟

وله كلمةٍمن قوها تقهرعداه= تودع مقاديم النشاما حباري

ياشين حظ الي بفعله تحداه = من عانده يعلن هبوط اضطراري

ياشيخنا الي كاملاتٍ مزاياه = حفيد قومٍ يتعبون المجاري

انت الذي في ساعة الضيق ننصاه= وكلٍ بطيبك ياابيض الوجه داري

يالله من سو الصواديف تحماه = يالله يامنشي هبوب الذواري

وتحفظ لنا الدوشان ساسه ومنشاه=عز القبيله يوم وقت الطواري

قومٍ على كسب الجمايل مضراه = وحنا بهم في كل حزه نماري