السلام عليكم ورحمة الله وبركاته
جيبلكم عشرة ابيات انشالله انها تعجبكم
ان كنت فاضي تعال ارجوك كلمني
.................. شاب الغلا وانت ماتدري عن اخباري
وان كنت مخطي بحقك لاتواخذني
.................. وحقك يجيلك وتنسى للزعل طاري
ياماخذ الروح تكفى لاتفارقني
.................. لاتترك البرد يذبحني وانا عاري
ارجوك لاتبتعد كافي تعذبني
................. مادام دم الغلا في خافقي جاري
لامر طيفك بعيني قم طالعني
................. مازلت شاري والى اخر نفس شاري
عليك شوقي لشوفك كم يسابقني
................. واتغافل الشوق لعيونك واجي ساري
ياكم نفسي على حبك تراودني
................ ولاشك قلبي على عشق الحلا ضاري
اقسى عذاب الهوى يومك تخاصمني
................. جرحت عيني جفا واشعلتها ناري
تعال تكفى ولاتزعل وتخذلني
................. ودي اكيد الماسي واخذ بثاري
ان كنت فاضي تعال ارجوك كلمني
................. شاب الغلا وانت ماتدري عن اخباري !!
منقول