أفكار شيبان هههههههههههههه انا وياك يا ولد عون ....وانت تقوله صادق والله أني سكنت في رحلاتي في فنادق 7 نجوم والله لو تخيرني يا ولد عون بينها وبين شبة النار والسمر حولها لا أقول لا بو الفنادق لا أبو 7 نجوم ولا ***** نجوم يالربع كل سنه ما تجي هبت برد شوي إلا تلاقينا مشعللين هالنيران الله يكفينا شرها (النويفعه) ...

أما بالنسبة لسعر الحطب فانا ما قلت في مداخلتي السابقة الكميه ...فــــ500 ريال ما يطلع لك بها اكثر من ثلث صندوق ددسن.....

عاد في الأحساء نحن نعاني من غلاء أسعار الحطب فنحن هنا يباع علينا بضعف سعر الرياض...

قبل كم يوم شريت بــ200 ريال والله ما يجي 15 ربطه ولكن السمر نوعيته طيبه ...وانتبهوا من الغش الذي يقوده العماله فقد أصبحوا يدسون شجر الشوار المقطوعة داخل حطب السمر والأرطاء والسلم ويقولون أنه من نفس النوعيه ..

قبل كم يوم وانا رايح لسوق الحطب في الأحساء أستوقفني منظر سيارة دادسون معباءة بالحطب فتوقفت لأستطلع الأمر لأن الحطب قريب بالنسبة لمسافة السوق ولأنني رأيته اجنبي (باكستاني) وقلت اكيد يبي يبيعني بأقل سعر....

المهم توقفت وتفحصت الحطب قلت لراعي الحطب: هذا ماهو حطب سمر بصوت عالي!!! فتلخبط وقال لا صديق هذا حطب شوارع !!!! قلت طيب بكم الدادسون ؟؟؟ قال : بـــ500 قلت 500 لحطب شوارع ومخلفات المزارع؟؟ قال إذا ماهو عاجبك بين البايع والشاري يفتح الله!!!!

واكملت طريقي لسوق الحطب .....وسلامتكم فأنتبهوا


أبن مصاول