المحاورة بتاريخ 9/11/1430
غنام الحميداني
سلام الله سلاماً ياصل القصين والدنين = على أهل المنتدى والدار محميه ومحروسه
أنا لفيت متاخر وأبي حاضر ولا ابغا الدين = أبي شاعر يلاعبني ولا أبي نفس منفوسه
علي حميدان
هلا يامرحبا ترحيبـة الغاليـن للغاليـن=اقوله والدجيمـا نيتـه ماهـي بمعكوسـه
تخير فالدروب اللي تناسب والدروب اثنين=قبل لانختلف ونصير تال الليل في حوسه
غنام الحميداني
يدوم لك البقاء ياشاعر رحب وقال أهلين = أنا وأنته وكلاً يبني بيوته بهاجوسه
نبي نارد على بير طويل والفعول تبين = معاني والمعاني داخله بالجم مغموسه
علي حميدان
انا عندي خبر مافيه سورن مثل سور الصين=لاكن الله يعين التاجر اللـي ضيـع افلوسـه
ليا منك وردت اشرب من الصافي وخل الطين=ترا ماضن تنجح خطتـن ماهـي بمدروسـه
غنام الحميداني
تجود ياعلي واحذر معي تلعب على الحبلين = تراك الطالب اللي ضيع الشنطه مع دروسه
وتراء التاجر تنومس في حياته ما يعرف الدين = يعيش بعز متهني بشحم يمناه مغموسه
علي حميدان
تراي اقدر الرجل العزيز من الكلام الشيـن=وانا اعرف الضروس اللي تلج بسبة السوسه
الا ياللي سريت الليل حنا وين ونتـه ويـن=تحيل فالطبيب ولنت قادر تقلـع اضروسـه