هذه قصيدة الوالد/ عسكر مشدد المينيح الميزاني الله يطول في عمره وهي بمناسبة محول ابن اخية شداد هندي المينيح الميزاني الى الشمال بالأبل
الفاطر الشيبه تباوع أيداها =طالت مسافتها صباح ومراويح
مع درب ابو محسن مشا في هواها =كب الشواوي والعرب والفلاليح
وشيب عيني من زمان(ن) جفاها=الوقت طول والعشاير مراويح
كل الجزيره ياشديد مشاها=يوم انتدب يمشي على هبت الريح
يمشي بقطعان(ن) براية حماها=الذود يمشي والمواتر مشاويح
يبى الديار الي بعيدن مداها=يوم أوجهة مثل النعام المدابيح
مقرب مسارحها ومبعد مساها=ترعاء المخافة في العيال الطحاطيح
قاعت جبل حبران ينسف ذراها=عساه يسلم مايجيلة سواميح
عواض يجداها ومحمد وراها=شوملهن يالأبسات المطاويح