ياقلب لاتشره على خل ناسيـك
ولا تنادي من يصـد وتناسـاك
الوقت هذا لو تصافي مخاويـك
راح ونساك وقفى عنّك وخـلاك
ياقلب لو تلقى مع الوقت غاليك
تبطي عن الراحه ولا تزين دنياك
الناس ماترحم ولا الوقت ياويك
ترمي عليك اللوم والوقت يبلاك
خله على الله لا تكثر شكاويـك
لن الرجال اسرار والنفس تنهاك
احذر تقول اللي يعكر مساعيـك
حذراك تفشي السر ياقلب حذراك
واليا استقضت وزاد همك بلاويك
احذر تـروح لشـر ذولا وذولاك
اصبر وصابر والاجر عند باريك
الخالق المعبود عالـم خفايـاك
اللي يغَفر الذنب دامح خطاويـك
هو يغفر الزلات ويشيل بلـواك
الخالق اللي مغني الخلق يغنيـك
عن منة قلوب المخاليق عـداك
واختامها ياقلب صكـر بلاويـك
وباب الكرامه قفّله عن معـاداك
الشاعر / ثامر الشويب