هذا غرامي سمّه اللي تسمّيــــــــــــــه
جنون..عشق.. او سمّه اللي بدالك
يا صاحبي ما عاد تفرق معــــــــــــانيه
القصد حبك والامــــــــاني وصـــــالك
كلا ولا فــــــــي شي عنــــدي اخفيــــــه
الحـــب لك والقلب عاشــــق دلالـــــــك
حلــــــــفت غيرك بالمخالــــــــيق مـــا بيه
ولا خــــــطر في بالي إلاّ خيـــــــــــالك
قلــــــــــبي على كفي هــــــديه لغــــاليه
والعُـــــــمر كلــــــــه ياحبيبي حــــلالك
لا والذي زيّــــــن جــــــمالك وســـــوّيه
مــــــاله طبيباً ياحبــــــيبي بدالــــــــــك
مجـــــروح وانت اللي بيدك تــــــداويه
يا روح روحــــه جعل روحـــــه فدالك
لا تبتـــــعد عـــــن عاشقــــك لا تخـــــليه
وحيــــد في دنياه وانتــــــــــــه لحالـــــــك
العُمـــــــر فاني والدقـــــــايق ليــــــــاليه
لا تخــــــسره ياصاحـــــــبي من قبــــالك
انا سمــــــير الهـــــــم ليلي اقضـــــــــــيه
والصــــــبر كـــــــــسّر كل حلماً يطالك
ما غير طيفـــــك كل لحـــظه انــــاجيه
في خلــــــــــوتي وانشده كيف حالك
تحياتي لكم
م/ن