السلام عليكم ورحمة الله وبركاته :
محمد بن ناصر السياري - رحمه الله -
يا ليتني يا رشيد راعي ربابة
اجرها ليا ضاق صدري واغني
اقنب عليها مثل عود الذيابة
لا اخطا العشا وسبوق رجله قضنِ
على وليف صاطي بي صوابه
الله لا يجزيه بالخير مني
ان غاب جتني علتي من غيابه
لين الجروح الخافية يظهرنِ
والى حضر عزيت روحي مهابة
ما ودي العربان يدرون عني
عني نهار السبت قفت ركابه
وقفيت عنه وخاطري ما ارجهنِ
عل الحيا يسقي تراب وطا به
لو كان حقي منه رمح المطني
م.........................ش