نون نشاعقبـه مداويـر و عسـاس=جعل الحيا فـي كـل دار(ن) وديـره
الشعر ياهل الشعرتعبيـر واحسـاس=احساس شاعـر والمشاعـر تثيـره
يوم(ن) بعض الناس يرجي من الناس=رجواي من رب(ن) يعلـم السريـره
كسابة المعروف والطيـب نومـاس=وبعض البشرشره طغى فوق خيـره
قالو علامك بالهوى صرت منحـاس=قلت الهوى قدمي جموعـه غفيـره
الي هويته غير عن كـل الأجنـاس=معشوقتي بنـت الرجـال الشهيـره
الحـب يبقـى للمحبيـن نـبـراس=كلمـه ومعناهـا يسـاوي جزيـره
ياطير يالي بالهـدد عالـي البـاس=مـن كـف صقـار رعـاه ويديـره
بلغ سلامـي كـل ماهـب نسنـاس=للغالي الـي سيرتـي معـه سيـره
وقله ترى مغليـك مايعـرف اليـاس=باقي علـى حبـه ولا فيـه غيـره
والي تقوله ياريـش العيـن لابـاس=لا باس ياالمجمول ماهـي عسيـره
لشـر مقباسـه وللخيـر مقـبـاس=يالله عسى فالأمر خيـر(ن) وخيـره
من معجم حروف القصايدعلى ساس=عنـدي لجـزلات المعانـي ذخيـره
كتبت يانبض القوافي مـن احسـاس=احساس شاعـر والمشاعـر تثيـره