بسم الله الرحمن الرحيم
السلام عليكم ورحمة الله
ها نحنو نطل عليكم باطلاله جديده مع شاعر مبدع جديد لم يسبق له النشر الأهذه الليله علماً انهو بعد الحاحاً منا وتكرمن منه لأستجابة دعوتنا ننشر لهذا المبدع ابداعه وهو الشاعر المبدع نجر سعد الدجيماء الميزاني
يابو بدر ياراعي الطيب والجاه=ياراعي الفزعات يوم الشدايد
يوم بعض الناس شانت نواياه=نبا الرفيق الي وسيع البنايد
مشكور يالي تفعل الطيب يمناه=يمشي على سلم العرب والعوايد
واقولك الزين والله منساه=لو دونه الحساد شبو وقايد
بامشي على درب الهواء واترجاه=مالي ومال مكبرين الوسايد
والله يعين الي هواء البيض عناه=يركض وراهن مير ماله فوايد
اثر الهواء بلواء وانا شلت بلواه=مالي جداء ياكود بدع القصايد
بصبر على ما صار واطمع بلقياه=حبه سكن بالقلب ياناس زايد
هذا الهواء مر(ن) وكاسه شربناه=راع الهواء ينصاد ماهو بصايد
وصلاة ربي عد مز(ن) نثر ماه=على النبي عداد برق ورعايد
ملاحظه: ابو بدر هو لأفي نوار الدجيماء الميزاني