الله وكيلك ما تضايقت مـن شـي
الا اليا قالوا وش اخبـار جـده؟ ؟
اهتم وابكي كن في خافقـي ضـي
واصد عن هرج الهـوى والمـوده
واغص واشرق لو شرابي من المي
والمـوت لامنـي تذكـرت صـده
لامر طيفـه زادنـي يافهـد كـي
وشلون ابنسئ والهوى لـي يشـده
هـي هـي والا لا الا نعـم هـي
هذاك طيفه وابيـض الخـد خـده
يابحر جـده دامنـي ميـتٍ حـي
يابحر وصـل لـه سلامـي ووده
وقله تراني تهت في سكـت الغـي
واني صبرت ووصل الصبر حـده
وقله يخفف من عنـا بعـده شـوي
واذكر هوانـا يمكـن انـه يـرده
وان كان عيا لا يجي يابحـر عـي
ابيـك لقصـاء مـا بقلبـه تحـده
وانا تراني ما تضايقت مـن شـي
الا الهـوى اللـي بيننـا لا يهـده
انا دخيل المـوج والملـح والمـي
هذي امانه معـك يـا بحـر جـده
م.ن