ياسعود عيني هلت الدمع مـرات=لاجيت بيت صويحبي لين العـود
اليا ذكرته هلت العيـن عبـرات=راحت ولكن ذكرها دوم موجـود
ياسعود ياودي على فايتـن فـات=بس التمني ما يجيلي علـى فـود
الله على وقتن قضينـاه بسكـات=نقضي ليالينا بتفاريـح ياسعـود
مع الحبيب ناخذ الليـل ساعـات=خشفن عليه من الحلا ستر وعقود
القلب خص الزين ياسعود بالذات=ما شفت مثله لا مع البيض والسود
ما طعت فيها هرج عاذل وشمات=وما طاوعت فيني كلامن ومنقـود
واليوم مـاداره لـداري قريبـات=كلن بديره والوصل صار مفقـود
ارجي من الله منزل الحق بايـات=هو سامع الدعوى وهو خير معبود
انه يلـم الشمـل رب السمـاوات=عقب المغيبه مع هوى ناعم العود

منقوووووووول