السلام عليكم ورحمة الله وبركاته
حبيت ان اقدم لكم هاذهي المجاراه لي مع والدي / محمد بن محصان عامر الميزاني
امل ان تحوز على اعجابكم وستحسانكم
ابوي /محمد محصان
ياموتري برد الحـدي *** والقلب كثرت مشاويره
مشيك مع البر لابدي *** لون تكثر مخاسيـره
نبي هنوف على عدي *** من صغر ماشافة الديـره
ان كان وده على ودي *** انزور ون جدد الجيره
لون جده ماهو جدي *** اشوق له وطلب الخيره
الرد من /بناخي الزحزوح
يابوي اسمعك مـن ردي *** ياطيب الذكر والسيـره
دور على الخط ممتـدي *** والجيب قامت معاصيره
لو هزك البطناج لاتهدي *** انصت يسمعك تصفيره
ماجاه ممشى ولاكـدي *** يحسبلك المتر بنبـيره
ان كان قولك ومن جدي *** كفرك شدد مسامـيره
اربع جدد كلهن عدي *** والخامس الجنط وسبيره