الذيـب مالـه قذلـة (ن) هلهليـه=وماله ثمان (ن) مرهفات (ن) ذوابيح
الذيـب ياخـذ حقـتـه بعشـويـهي=ظهر ولو صكـن عليـه النوابيـح
يعطيك العافية اختي هاملية مطير على هذه القصة والأبيات التي سمعناها من اكثر من مصدر ويقول أحد مصادرها بأن قائلها هو أبن أمير شعر الغزل(محسن الهزاني) وغيرهم نسبها لغيره وهذه غير صحيحه ...لأنها من احاديث السمر ولا أساس لها بل يؤلفها احدهم ثم ينسج حولها قصص غريبة وعندما كنا صغار كنا نسمع بالأعاجيب من القصص المنسوجة والمضاف لها قصائد يحاولون بها أن يضفوا عليها شئ من المصداقية..
بقول راشد من غرايب لحونـي=مثايل قلبـي عطاهـن لسانـي
اوجس بنوني مثل شوك الفنوني=بين المرامش نوني عيني كواني
ياطي قلبي طي بالي الشنونـي=بالي الشنون اللي طواها طواني
وياحن قلبي حن خلـج بكونـي=وياجر قلبي جر غرب السوانـي
على الذي في حبهـم ولعونـي=ابي السلامه والله اللي رمانـي
تحيلو بي بالهـوى وطرحونـي=منهم حبيـب بالمـوده لحانـي
لحان وارث في ضميري طعوني=جدد صوابـي والله المستعانـي
من مازح الخفرات نجل العيوني=غر الوجيه مفلجـات الثمانـي
ومن ولعنه ناقضـات القرونـي=يبيع روحـه بالفنـا والهوانـي
لامت في راس الطويل ادفنونـي=حطوا براس مصودعه لي مكاني
متبين لاهل النضـا واذكرونـي=قولوا لقينا بالمصـودع مبانـي
لازم اليا جوكم هلي ينشدونـي=قولوا خفـا ماواجـه مودمانـي
اخاف انا بنواحهـم يزعجونـي=في راس مابان الخفى والبيانـي
يابن نقا لا تقبل العـذر دونـي=حيثك وصيي ورم من هو رماني
بمصقل حـده يقـص المتونـي=شنع صوابه شذرتـه ماتدانـي
وابي احلف لك يوم حلت احتوني=غير العنا من شوفهم ما وزانـي
القصة أعلاه والقصيدة وردت في كتاب (الدرالممتاز) للهطلاني ولكن تقبى غير مؤكدة إلا لو تضمنت القصة أسماء معينة فكيف قصة مثل هذه لا يكون بها أسماء أعلام !!! وكيف تحفظ القصة والقصيدة بهذه الدقة ا ولا يحفظ أسماء أعلامها...
وتقبلي مروري وشكري أختي العزيزه
أبن مصاول .....