يــانـاشدا عنا تــــرانــا ترانا=الأصل من قحطان وأساسنا بقوم
حنا البـقـــوم مدلهين أقصرانا=قصيرنا دايــــــم معزز ومحشوم
وخــــــوينا في سلمنامايهانا=والناس كلا له تقاليد وسلوم
وحنا البـــقوم ولاتفرق عصانا=لاطامت العايل وذباحت الكوم
يوم البلاء والسلب محدا وطانا=مثل الطويل من الضلاعين مزموم
ويوم الوخايذ ماربح من غزانا=أرماحنا ملحومة أبكل شغموم
وأليا ركبنا مكاظمات سنانا= خيالنا يبطش بعشرة من القوم
ويرعى المطرف هجمته في ذرانا=ويامن بنا من خوف هاجم ومهجوم
هذا وأنا ماأقول ماحدا سوانا=كلا بطيبه وافي الشبر معلوم
تنشدو عــنــا جمـــيع أحددانا=يبديلكم من غيرنا شرح وعلوم
تنشد العتبان أطــــوال اليمانا=جماعة شليويح وبخيت والتوم
جونا لهم هقوات لين ألتقانا=بشلفا مضاربها لها أثار ورسوم
يوم الوصيقع جات عشرة ثمانا=والاترى شليويح مايلحقه لوم
وتنشد السبعان يـــــوم أنتحانا=مع واديا جوانبه غرس وحزوم
ياما غزيناهــــم وياما أعتدانا=وألهم بخت وأقول عزالله قروم
وتنشد الحــــرث وغامـــد ورانا=يوم الثميدي جالها فالسماء غيوم
جونا وجيناهم وبـــعنــــا وشرانا=وتبادلوا بسهوم والمنـــع معدوم
ولاأسبهم والله رقيــــــب علانا=وحنا خلقنا ضد للي معه زوم
هذي فعايلنا قديـــــم الزمانا=نشبع أسباع الغاب مع طاير الحوم
وهذي مضاربنا ولحـــد يغوانا=يناشــــدا عنا تبي مني أعلوم
الترك من قلع النيا جت تبانا= تضرب أطبول الحرب والخيل حثلوم
ومن دون وادينا المسمى أعتزانا=بمصقلات الهند والعزوة أبقوم
ويوم أنتخى واد السليم أنتخانا=أبجمعآ يضد ولايضدونه القوم
وتغير أسمه عقب سطوت أيدانا=وعدونا ماتهتني عينه النوم
وكتب عليه أسمه بــــدم أقبلانا=ريحان من تاريخنا ذاك لليوم
واليوم يامستور سترا وأمانا=في ظل حاكم يزعم النفس محكوم
في ظل من يرون حد السنانا=آل سعود مزبنة كل مضيوم
في حكمهم أمن وأمان وطمانا=والشرع يقضي بين ظالم ومظلوم

لاحنا بلا سبعـان ولاحنـا بعتبـان=حنـا ليـا ضـاع الدليلـة دلايـل
حنا ليا جـا للزمـن عـج ودخـان=عدونـا نسقيـه سـمـه زلايــل
قبيلة تذكـر علـى مـر الأزمـان=ياللي تقول انـك تعـرف القبايـل
انشد عن اللي لا اظلم الوقت نيـران=نـار تلهـب للـعـدو بالنكـايـل
ويا ناشـد عنـا ترانـا لنـا شـان=فينا الكرم والطيب واهـل الجمايـل
حنا هل الناموس شيـوخ وفرسـان=وحنا هل البل والمهـار الاصايـل
كم شيخ قوم راح مضمي وجوعـان=بضرب المشوك بامهـات الفتايـل
حنا نداوي جن مـن فيهـم جنـان=نطحن دواهم بالسيـوف الصقايـل
حنا البقوم مطوعـة كـل شيطـان=واللي **نـا مـا تجيـه الحبايـل
لاجا الملاقا ننطح المـوت شجعـان=على الوغى فـوق البكـار الذلايـل
وصبينـا حـر منسـب وشيهـان=يشفيك لا نشبـت ويابـس بلايـل
وديارنـا بيـن القبايـل بـحـدان=من سابق التاريـخ وقـت الفعايـل