ألوّح لك و أرحبّ بـك وأهلـيّ .....على رجوى المهليّ مـا يولـيّ

لكنّـه عقـب مـا هــلاّ وولاّ .....حلف ما عاد لا شافـك يهلـيّ !

تمـرّه مـا تغـرّه لـو تمـرّه .....قنعت ويا كبـر همـيّ وغلّـي

تزحلقنـي بضحكـه وأبتسامـه .....وتعلقّني على دربك وانـا اللـيّ

تخيلّتـك و خليّـتـك خليـلـي .....وتخلخل حبّك بدمـيّ يـا خلـيّ

عليّه مـن حزامـي وإلتزامـي .....ومن قولـي ومدلولـي ودلـيّ

ما أخون العهد وأبـوق الامانـه .....ولا أحـب التكبـرّ والتعـلـيّ

أنـا مانيـب عاشـق شقلبانـي .....يحجّ .. ولا يصوم ولا يصليّ ؟

غريب أطوار وطبوعي غريبـه .....أسيّر خاطـري وآخـذ وأخلّـي

ولا قد قلـت ماشـاء الله عليّـه .....عسى كل الحبايب فـدوة ٍ لّـي

في حرب الود صارعت المحبّه .....وأثرهـا لا تكـلّ ولا تمـلّـي

عرفت الحبّ الاصلي والتجاري .....وقلبي دولي وصـدري محلّـي

حبيبـي لا تقـاعـد ذكريـاتـه .....أدوّنهـا ويحفظـهـا سجـلّـي

يجي غيره مدام الوجـد شاغـر .....ياليت اللي فطنّ لي ما فطنّ لي

يخدم الشوق من بـاب الوظيفـه .....وينسى الحبّ من بـاب التغلّـي

يقول ( أحمد عمر قليّ ) يقلّـك .....وأقول ( أحمد عمر قليّ ) ما قليّ

سوالـف مـا يخالـف والله الله .....شهر وأثنيـن والثالـث يزلّـي

يحسب أني على هاذي وهـاذي .....عليـل الكبـد والقلـب متدلّـي

كذا حالي وانا مـن دون حالـي .....ليا ماجيت كليّ .. رحـت كلّـي