رد: ●•۰ عضــــــــــــــــو فـي المطبـــــخ ۰•●
كُتب : [ 13 - 11 - 09
- 06:31 PM ]
مســــــــاء الخيــــــــــــــــر "
يالله حيهم .. أسفرت وأنورت
هذا عشاكم الليلةحياكم الله على قل الكلافة
سموا بسم الله ..
يقول الشاعر "
فاضرب بخمسك لا تأكل بملعقة
إن الملا عق للنعماء كفران
اللي مسوي رجيم يخليه على جنب .. واللي خايف على نفسه من العدوى يتطمن تراي لابسة كمامات وقفازات وخوذة بعد ..
المرقوق لا يخفى عن الجميع ..
اولا نقطع لحم غنم أو حاشي قطع صغيرة .. وبصل ومعجون طماطم وبهارات وثوم وقرفه وليمون أسود وقرع وكوسه وباذجان وفاصوليا
نحمس البصل والطماطم واللحم والبهارات والقرفه واليمون مع بعض لين يتكشن
بعدين نضيف الماء عليه
بعدين لما يطبخ نتركه نصف ساعه وبعدين نضيف الخضار نخليه يطبخ لين يستوي
بعدين ناخذ العجين ونفرده طبعا العجينة معروفة طريقتها لدى الجميع وحسب الكمية اللي بتصلحونها
بعدين لما تخلص كمية العجين نضيف علبة الزبادي .. الزبادي يعطيعه نكهة وطعم
نحط الفلفل الحار ونتركه نصف ساعه على نار هادية انتبهوا لا يحترق
وبعدين نسوي الكشنه وهو عباره عن بصل وبهارات وكركم ونحمسها بسمن غنم
عند التقديم نرش الكشنه على المرقوق ..
وبعد العشاء عاد لا زم تحلّون
المقادير:
بسكوت شاهي او كيك امريكانا الاسفنجي اي نوع
حليب سائل
2 قشطة
دريم ويب
ككاو سائل هيرشي
فليك حسب الرغبه
الطريقه
نغمس البسكوت بالحليب السائل الدافي واللي يحبه حالي يحط سكر بالحليب ونصفه بالصينيه(واذا كيك نصفه ونصب الحليب فوقه بشويش بالملعقة)
نسوي الطبقه اللي فوقها(2قشطة والدريم ويب ) نخلطهم مع بعض بعدين
نصبها فوق البسكوت
نحط الككاو السائل
وبالشوكه نشكل اللي نبييييييه
انضيف فليك حسب الرغبه
و تحطونها بالثلاجه مده لاتقل عن ساعتين
وبالعافيـــــــــــــــة على قلوبكم ..
وسامحونا على القصور ..
|