ويقول أيضاً:
يقول من عـدى علـى راس عالـي
رجـم طويـل يدهلـه كـل قرنـاس
في راس مرجـوم عسيـر المنالـى
يشتاق له منـدك بالقلـب هوجـاس
قعـدت فـي راسـه وحيـد لحالـى
والقلب في لجـات الافكـار غطـاس
وقعـدت اعـد ايامهـا والليـالـى
دنيا تقلب مـا عرفنـا لهـا قيـاس
دنيـا تفـرق بيـن غالـى وغالـى
لو شفت منها ربح يرجـع للافـلاس
يا ما هفا بـه مـن رجـال مدالـى
ما كنهم ركبوا على قـب الافـراس
ولا رددوا صـم الرمـك للتـوالـى
ولا ثار عج الخيل في كـل مـرواس
ولا قلطوهـن للكمـيـن المـوالـى
ولا صار فوق ظهورهن شلع الانفاس
في حومـة الهيجـا لهـن اجتوالـى
كل يبى من زايـة الفعـل نومـاس
من بينهـم عـود الجنـا والسلالـى
مثـل البـروق اللـيـل الادمــاس
يقطعك دنيـا مـا لهـا أول وتالـى
لو اضحكت تبكى وتوريك الاتعـاس
يا ابجاد شب النار وادنـى الدلالـى
واقرب لنا يا ابجاد ما يقعد الـراس
فنجـال يغـدي مـا تصـور ببالـى
وروابع تضرب بها اخماس وأسداس
لعـل قصـر مـا يجيبـه اظـلالـى
ينهد مـن عالـى مبانيـه للسـاس
لى صار مـا هـو مدهـل للرجالـى
وملجأ لمن هو يشكى الظيم والبـاس
بحسناك ما منشى حقـوق الخيالـى
يا خالق اجنـاس ومفنـى اجنـاس
تجعـل مقـره دارس العهـد بالـى
صحصاح دو خالى ما بـه أو نـاس
لا خـاب ظنـى بالرفيـج الموالـى
مالك مشاريه علـى باقـي النـاس
وإن ناشنى من بعض الادنين صالى
مانى عن الـزلات مخبـر وبـلاس
كالعنبـر الغالـى بالأسـواق غالـى
ولا درهم الفضية على صفر ونحاس
اجزيـة بالصـده جنـوب وشمالـى
واتلى هوى قلبى اليا هـب نسنـاس
المستريح اللى مـن العقـل خالـى
ما هو ولجات الهواجيـس غطـاس
ما هـو بمثلـى مشكلاتـه اجلالـى
عجزت اسجلهـى بحبـر وقرطـاس
حملى ثقيل وشلـت حملـى لحالـى
ونصبر على ضيم الليالى والاتعـاس
برسي كما ترسي عوالـى الجبالـى
ما ينهزع حيـد عليـه القـدم داس
متـى تربـع دارنــا والمفـالـى
تخضر افياضه عقب ما هي بيبـاس
ونشـوف فيـه الديدحـان متوالـى
مثل الرعاف بخصر مدقوق الالعـاس
ينثر على البيـداء سـواة الزوالـي
يشرق حمارة شرقة الصبغ بالكـاس