كون الشعب بين الموازين وابن رشيد
في اوائل القرن الثاني عشر نزل ابن مدلج امير الموازين بربعـه من الحـــرة الي نجـــد
وكان اول منزال لهم الشعب وكان حيناها ابن رشيد غازيا علي عــتيبة والبقوم واغتناما
منهم غنائم كثيرة وكان مخطط في طريق عودة علي ان يمر الشعب لكي يشرب الجنـــد
والحلال جاء النذير للموازي لست اذكراسمه وقال لهم منزالكم هذا ماهو مبروك ابن رشيد جاكم
غازي من عتيبة والبقوم ومعه القبائل وكان معـــه الفارس والاميرعقوب الحميداني وكان حينذ
ابن رشيد حاكم للجزيرة العربية و قـــل من يجرء للوقـوف امام وجهــه ركـب امراءالموازين مغلي
وعوض وساقوا البـــل والغنم راحلين وتراكين النساء خلفهم وقـــليل من
الرجل الفرسان وهم:
1- عامر ابن مرزوق الديري القحم
2- صامل ابن حمود القحم وابنه دميك
3- حامد ابن شحيبان ابن منديل القحم
وكل من هؤلاء اتخذوا اماكن لهم :
حامد اخذ بندقيته وجاء في الهضبة
صامل وابنه اتخذا ماكانهم في وادي
والديري اخذ مكانه في احد الغيران
المهم وعندما اقبل ابن رشيد ومن معهم من رجال ومعهم الحميداني وفاجئهم صامل ببندقيته
ام فتيل وكانت عندما تطلق النار تهتز الارض من تحتهم وتطبق اسماعـــهم وهــم في وسط
الجبال فيحسبون انهم يقاتلون امة قائمه فقام صامل فارسل ابنه حنس ليتبع ابن مــدلـــج ومن
معهم فلحقهم وادركهم في وادي ابا الحيران فرع من فروع وادي الجرير ولما ادركهم قال لهم
ارجعوا لقد حاصرنا ابن رشيد وانشاء الله سوف يهزمه الله فرجع الموازين للشعب وعندما اقبل
الظلام فــاذا بالفارس قــد اقبل علي الموازين فاذا هوالامير عقوب الحميداني فقال:ازوني يامطير
قالوا اشرب لعلك لشربه انت وراك تدل ابن رشيد علينا قال مادليته يامطيرابن رشيد غزا علي عتيبه
والبقوم وانتم علي دربه ولكن هـو ارسلني يقول لكم خلوه يشرب هو وحلاله ولكم الامان وتراه ابن رشيد
ماله ذمه لـيا شـــرب ذبحكم المهم رفضوا الموازين ان يشرب ابن رشيد لما يتصف بانه غادر ذهبا
الحميداني الي ابن رشيد وتبعه اثنان من الموازين فقال ابن رشيد ماذا وجدت يالحميداني عن ربعك المطران فقال: لهــا وجدت نار وعماروجنونتن فالضلاعان فهبطت معنويات قوم ابن رشيد حتى طمعوا بالهلاك من
شدة الظمئ حتى ان بعضهم يريد الفرار فقال :ابن رشيد امرحوا ياشمر والله يامن مس شـــداده
ان عوضه شداده امرحوا وبكره نبا نصبح القوم جمع ابن مدلج ربعه وقال سوف ننقسم الــي
فرقتين فرقة بقيادة عوض ابن مدلج وفرقة بقيادتي يقصد نفسه مغلي ابن مدلج فقال مغلي انت
ياعوض ومن معك اضربوا البارق وانا ومن معي سنضرب قلب الجند فبدئت المعركة في جنح
الظلام وهزم ابن رشيد ورفاقه وهربوا تاركين ورائهم القتلى والغنائم التي اكتسبوها من عــتـيـبـة
والبقوم واليكم القصيدة التي تصف جو المعركة يقول الشاعر:
لافى ابن خلف ابن صلال ابن دخيل الله القحم
من لايقوم بغير حق الله ضعيف = والباطل الله يكسره واللي نواه
يومنهم جونا مثل جمع الشريف = يبونا حنا الخدم وهم الولاه
مثل الخيال اللي مزونه له رفيف = وجاته شعوف طيرت سيلة وماه
حنا اللي هزمنا ابن رشيد عن المضيف = اللي مشت كل القبايل في رضاه
بعد مافاض اهل اليمن راحوا نتيف = الآد روق اللي قدايمهم عصاه
يبا نزول الشعب مع نزله عفيف = ولاعين الا اخيذ من ضاعت جداه
ماهو بواقن على الساس القظيف = ساسه علي الباطل ومصلوحه لقاه
خله يذوق غرازهم عقب العطيف = والرب مايخلف على بيت بناه
وربعي كما الضلع البتيل اللي منيف = مازعزعوا يوم الحرايب والجناه
وهناك ايضا قصيدة اخرى للشاعر //غازي ابن عواض بن موسم القحم
ربعي هل الحربة عـلي الجد ميـــزان = الفـــارية مـــن قــبــل ماحد كسرهـا
ابنى سـفـر وجبار من غــير نقصــان = وابنى المــســلــم مــأيــخـفى نذرهـا
هم الفـخـــر لنــا علي دور الازمـــان = قــبــل الــسعــود وبعـد يعـلى قمرها
يوم الليالي عــجــف والناس عـــدوان = اديــارهـــم في كــفـلهم عـن خطرها
تسرح رعــايهم تحت شلف وحصــان = دقــــلاتـهـــم عــبــرة وتكبر عبرها
في راي بن مــدلـج وللــراي سلطــان = امــيــر بــدوان تــعــزه جـــبـــرهـا
تــضرب بــه الامثـال في كل ديـــوان = وهيف النفـوس ليا غــواها نعـــرها
وان ثـــار مـن مـلـح البواريــد دخــان = تحمى الوطيس ولاتحسب كـــدرها
الشعــب يشهد يوم روغــات الاذهــان = يوم النفوس الطايشة في غــررهــا
بن الرشـيد اللي غــزا القيض ضميـان = عـــاف الشراب ولابتي ماقـــدرهـا
صاح الشجيع وقاد في الحرب شجعان = الــديــري اللي بــنـدقـه ماقصرهــا
وصامل علي العدوان حربه وبركـــان = جيش العــدا عمرين فعـله دمرهــا
وحامـد حصرهم حصر مابين ظلعــان = شب المشوك في الكبود وصهرهـا
وراع الذلول ادميك رمــح من الـــزان = ودى الوداعه والمصاعـب عبرهـا
دون النساء والعــزوة اللي لهــا شـــان = مغــروســـة بقلوبهم من صغرهـا
والخوف بقــلوب العـــدا حط مسكـــان = خيم عـــليها والقــلوب استعــرهـا
خلـوه يرجع عــايف غـصب خســران = ينقل صـــوابه والعـيون بجهرهــا
تقسمـــــوا مـــالـــه ومعطين عتبــــان = يــوم العــتيـبي للعـــواني ذكرهــا
ابن الــرشــيــد اجتـــاح شيــّا وبـدوان = جاب السوارح والاوادم جـزرهــا
واليوم يالمـطــران من سي واحســـان = حنــا وخــذنا واللــيــال بدهرهـــا
ســـــلطكم الله سلطـــة فعــــلها بــــان = بكسر الرشيد وكسرتــه ماجبرهــا
خيالة المطــران في الارض فرســـان = تعرف مرابط خيلهم من ذعــرهـا
وان صاح صياح الضحى قال مطران = حمر العــيون اللي قــوي نظرهــا
تخضع لهم روس العــدا شي وكـــدان = بالطوع والا سيـوفهم في نحــرها
كــم واحـــد لمطير مـــذهب وديـــــان = ولو الــذواهــب بينه مــاســبــرها
من خوف لايصبح غدا الذيب سرحان = والارمــيـــة للـــكــلاب وجعرها
النــادرة مــيــة عـــظـيمات الاكـــوان = تاريخــنا بين القبــايـــل سـطرهـا
للــقــول شهـــادة وللــفــعــل بــرهـان = والكذب ماهــــدم بيوت وعمرها