اقتباس:
المشاركة الأصلية كتبت بواسطة عبدالرحمن العقيلي
بسم الله الرحمن الرحيم
اخــذ الــحــذر لاشـــفــت ســـود الشعــر شـــاب
المرجله بنت(ن) لها الـف خطـاب=وكلن يراودهـا علـى قـدر طيبـه
خاو الكريم تصير للطيـب جـلاب=يمكن كذا تقـدر رسـوم الظريبـه
خاو الرجال اللي يفكـون الانشـاب=بالذات في وقت الظروف العصيبـه
اللـي لهيبتـم قوانيـن وحسـاب=ويناظرون لغيرهـم بالـف هيبـه
صاحب رجال الدين لو كانو اغراب=تعرف ثمن حب الحبيـب للحبيبـه
خلـك لوجـه الله عابـد وتــواب=حافظ على المسجـد ولازم خطيبـه
اخذ الحذر لاشفت سود الشعر شاب=واعلم رحمـك الله بمعنـى مشيبـه
معناه ديان(ن) وقف لك على البـاب=ان مامشيت بطيب اخـذك بغصيبـه
ابوك وامك حطهـم بيـن الاهـداب=حتى رضا ربـك عليـك تحظيبـه
اصدق مع الله لو على قطع الارقاب=الصدق امانـه والخيانـه مصيبـه
صل القرابه ووصل الشيب والشاب=والجار يحشـم لوبـدا منـه ريبـه
وان كان جات المعضله بين الاقراب=ماهو مهـم لمـن تكـون الغليبـه
اطف اللهب لوكنت للنـار شببـاب=واثن الرشا من دون جمـة قليبـه
خلك على عيوب البشر ستر وحجاب=يوم الردي يجمـع حكـي ويعديبـه
واحذر ترد العلم عن شخص كـذاب=في وقت صارالصدق حاجه غريبـه
لايعجبك من كان للقـرش قضـاب=خل الكرم حاجـه بطبعـك رتيبـه
الرزق شيـا كاتبـه رب الاربـاب=يعلـم ولا نعلـم بمضمـون غيبـه
رحّب بشوف الضيف مليون ترحاب=ترحيب غال(ن)عاد من طول غيبـه
واذا رفيقك لابـدت حاجتـك غـاب=اليا حظـر لاتنشـده عـن مغيبـه
مادام ظنك فيه فـي وقتهـا خـاب=عذره ليا جـا يعتـذر وش تبيبـه
|
صح لسانك واعتلى شانك على هالقصيدة الشامخة. جزله من شاعرآ جزل .بدون مجامله وانا من المعجبين بشعرك.والف شكر لك. وبنتظار جديدك. طال عمرك.وانت مكسب للمنتدى