أقدم لكم هذا النص المتواضع وهو أول نص صريح أكتبه وذلك قبل ثلاث سنوات ونصف
أتمنى أن ينال اعجابكم

ياغايتي شوفي وش اللي زرعتيه = حبٍ كبير داخل القلب نابت
حبٍ تعلا فوق بأسما معانيه = فيه الوفا والشوق عنوان ثابت
حبٍ عفيفٍ مثل الالماس صغتيه = لامن لمع برقه له الروح ذابت
في درب غيرك حالفٍ يوم مامشيه = النفس عن درب الغنادير طابت
تدري وش اللي دايم الدوم اناديه؟ = واللي مشاعر خاطري منه هابت؟
اسمك وانا في لذة النوم اناجيه = ماغابت حروفه لو الناس غابت
وتدري وش اللي يذبح القلب يدميه = اسهام عينك لا تجنت وصابت!
يقول تركي وانا مثله اغنيه = (ماشاب حبك لو قوافي شابت)
هذي مشاعر وافيٍ لك عشقتيه = دايم ضنونه فيك مايوم خابت