هذه رديه جرت احداثها بين سعد بن جدلان وضيدان بن قضعان العرجاني وقد نقلتها لكم كتابة من مجلة المختلف...
يقول سعد بن جدلان الأكلبي مسنداً على ضيدان بن قضعان :
يا حفيد أهل المجوّخ والمدرّع=ياولد قضعان شوباش النخاوي
هل رماحٍ في حياض الموت شرّع=لا اختلط صوت الفرنجي والعزاوي
يا جنابٍ دايمٍ ضيقك مطرّع=وصفةٍ يلقا بها سبع الاداوي
راعي الديوان والباب المشرع=والدلال الصفر والتمر الحساوي
البدو قامت تحول ولا تفرّع=خير ما يبغي المفاريع الشواوي
كل ما مريت جمعية تبرّع=مالقيت اسمي بصندوق الزكاوي
.................................................. ............
فيرد عليه ضيدان بن قضعان فيقول:
والله أني قد لي على القاف اتفرّع=مبطي ساكت وانا سيلي نحاوي
مرحباً بالشاعر اللي يوم كرّع=في زلال الجم ما طاح متساوي
يا ابن جدلان احذف الغتره وفرّع=واحفظ كراعك على جال الرهاوي
واحتسب للأجر واركد لا تسرّع=تخلف ايام الرخا ما كنت ناوي
لو عباد الله من الجوع اتضرّع=ماتطيح عزوم صلفين الهقاوي
والشعيب الدمث لوك ما تجرع=لوعة الأيام كان ابطي سناوي
أبن مصاول.....