إن جاء الربيع وفيه شبيت ناري=والله ماغبط مجمعين الملايين
والطير بالملواح صبح وعصاري=نعدله باللوح فوق الثمانين
فرخاً إجلال أشقر من الريش عاري=توه على تعلوم وحده وثنتين
نبغا اليا صارت بحجم الخضاري=ربداً تصفق فـ : السماء يسار ويمين
يقطع ظهرها لين تنزل جباري=ولا على وجهُ شبكها بتمكين
حرً مخاليبه سواة الشباري = خطرِ على شرواه من نظرة العين
حطه على التكيه بجيب السفاري=غير الركاده طلع ومخالطه زين
نبغى الشمال اللي وسيع البراري=من الدخول إلى علاوي دخاخين
ولا على لوقه وهاك المحاري=نقضيبها مقناص وقتاً إلى حين
وأقنص ظهر فيحان تلقى حباري=داراً لعشاق الصقاره عناوين
والريش في المقناص جاله مواري=من نادرٍ في الاصل ماهو بتهجين
راع الولع دايم يجيله طواري=لو كثرت اشغاله تركها لبعدين
شبت خلا ليله بوسط الصحاري=تسوالها في المدن مقدار شهرين
عن زحمة الشارع وطق البواري=نبغى دياراً سايله قبل يومين
ومعنا نشاما من سباع الغداري=ماهم لهرجن في قفا الناس شفقين
سوالفاً كلٍ بطيره يماري=والاقصيداً من خيار الدواوين


وسلامتكم...