ودي بمن قفى عن الدار راحـي=غروٍ عليه القلب مضرم ومحزون
ودي بهم والود عـذب مناحـي=والبرق ما يسقي ضمايا يخيلـون
مايسقي العطشان كود القراحـي=ولا يستوي حب الموده بلا لـون
شدوا ودنوا لـه قعـود شناحـي=يتلي سلف بدوٍ مع القفر ينحـون
ادنى منازلهم عريق الضواحـي=وابعدلهم يم الحفر يـوم يـردون
في ضف ربع يبعدون المشاحـي=تلقى سوالفهم بطاعن ومطعـون
اقفوا بها مروين حـد السلاحـي=ربع لهم مفعول في ساعة الكون
ليته تقربهـا هبـوب الرياحـي=والا تجينا مع طوارف ذوي عون