السلام عليكم ورحمة الله وبركاته
لمحبي نقلي في القصايد اليوم ابي انقل لكم قصيدة((غيبوبة الهم))للشاعر بندر بن سرور
سر ياقلم مالي على الصبر طاقة
صبري تعد الحد ماعاد ينطاق
اكتب لمثلي قصتة واشتياقة
في خطك الواضح على يبض الاوراق
قصة حزين صافي المر ذاقة
اليا ذكر ما صار لة خاطري ضاق
باقوب بة الاصحاب والوقت باقة
وصار الضحية بين بايق وبواق
يمشي وهو ماحس في كسر ساقة
امسى على ساقين واصبح على ساق
وهذي سوات الوقت شين الصفاقة
الو قت لو يصفي لك ايام دراق
ان شان قطع عنك كل العلاقة
وان زان خلالك مع الناس عشاق
ومن شان معة الوقت قلو رفاقة
راحت حياتة كلها هم واقلاق
واللة خلق خلق تحب اللباقة
كما خلق لة خلق ماعندة اخلاق
احد(ن)يعيش بخير واحد(ن)بفاقة
واحد(ن)يعوق ايام وايام ينعاق
واحد(ن)معة حكمة وصبر ورواقة
سبحان منهو للمخاليق خلاق
لكن يامن معك صبر ووثاقة
ابنشدك كانك للامثال تشتاق
من رغب في فرقاك ارقب افراقة
جاز اللذي يجزاك افراق بفراق
وتعلم التعشيق قبل السواقة
لا تحسبن انك بالدركسون سواق
ورزقك يجيك بدون تحضر بطاقة
وعند اللة المعبود تقسيم الارزاق
يقولها اللي جاير الوقت عاقة
ولا زال في غيبوبة الهم مافاق
من العزاقة بادي بالعزاقة
واللي يودة صار شوفة بالشفاق
ولا قال هذا القول قصدة صفاقة
ماقال هذا الا من نار الاشواق
منقول من ديوان الشاعر :بندر بن سرور
بيد لمعة الماسة***تقبلو تحياتي