الفزعه يالربع >> ماهي الوريثــه ..؟


السالف :ـــ

اليوم شبت القهوه الصباح على ابو فواز وكان الحضور :ـ

1- ابو فواز العتيـبـي >> عليه الشبه

2- ابو ريــــان الحربي >> حاضر

3- ابو خالد العضيله >> حاضر

4- محمد الشــلاحـي >> ماطول كيد راح

5- واخوكم راس الضلع الميزاني > حاضر

المهم وبعد ماتقهوينا الصباح وكانت الساعه تشير الى 7.20 صباحا

قلت للعتيبي قرب الوريثه على النار ..فانطلق الحربي بالضحك حتى بغى تنفقع بطنه من الضحك

وهو يردد ابك الوريثه منين جبتها .فرديت عليه وقلت بواقي حطب النار تسمى وريث والتفـــت

الى رفيقي المطيري و وجدته مخوضر في التسميه ونظرت الى العتيبي فسكت لم يتكلم المهم

قلت تراها بحق عليك يالحربي فقال بحق . المهم كان وقت الدوام والدراسه مباغتنا وقلنا في الجلسات

الجــايــه .عاد سؤالي يالربع هل انا محق بهالتسميه وهل هي صحيح والا بيركبني الحق وياكلو تيسي

اينعم الدعوى فيها تيس والغنم غاليه هاليااام هههههه

عجلو علي علموني انا مدل ولا مخطي بهذه التسميه (( الوريــثــه )).