هذه قصيدتي التي القيت في حفل ملتقى قبيلةمطير في حائل
يامرحبا في ملتقى مطير ومطير= سجل لها تاريخ في كل ديره
اسمن يسطر فوق الامجاد تسطير=وفعايلن ماهي علينا كثيره
اهل السيوف الساطيات البواتير=واهل الفعول المعجزات الشهيره
يومنها بالسيف وحصان وبعير=وام الفتيله والمقمع ذخيره
سدنا وصرنا غير وفعالنا غير=وكلن عرفنا فوق شبه الجزيره
ردينا بالفعل يستيسر الزير=لوا كان مافينا ردي وعثيره
واليوم بعد املوكنا قادة الخير=معاد نبغا الا الامن والستيره
جينا لحايل من بعيد المشاوير= لجل اجتماعن مايشابه لغيره
بمناسبة سلامتك انت يامير=والحمد للي زال شره بخيره
ورجعت يم المملكه وانته ابخير=حييت ياغيث الشعوب الفقيره
ياسيدي سلطان سقنا التباشير=على رجوعك يوم جانا بشيره
وعم الفرح قبيلة مطير والغير=وهنو مليك الشعب قايد مسيره
اللي لعله ماتجيه المقادير= ومن كل مايكره عسى الله يجيره
والليل هذا غير والملتقى غير= وشعارنا عودة صقور الجزيره