سبحان ربي يبتلي الناس بالناس
يصبح مصير الشخص بيدين غيره
مانيب متعقد ولانيب حساس
وقلبي ابد مافيه حقدن وغيره
لاكن ما شفته ترى يشيب الراس
شفت الاسى بعيون طفله صغيره
جتني كسيره ماقوت اخذ الانفاس
ضميتها لصدري والقلب محتاس
وحسيت فيها اثار قصه مريره
قلت اسكبي الدمعه على الخد لاباس
يمكن يريح الدمع لو نستثيره
قالت زماني قد حكمني بالاتعاس
ولى علي انسان ضايع ضميره
كنت احسبه طيب وقلبه من الاماس
واثره شبيه للوحوش السعيره
حبيته بكلي حبن بلا قياس
وظنيتني في قلبه كنت الاميره
وبعت اهلي واصحابي وكل ها لناس
من اجل عينه كنت دايم سهيره
ظنيت يحشمني عن درب الانجاس
واثري بعينه كنت واحده حقيره
ليته ذبحني قبل مابالقدم داس
على البراءه في فؤادي الصغيره
قلت اسكتي يابنت يفداك هالراس
ويفداك هو وهله وكل العشيره
لاتزعلي يابنت ولايدخلك ياس
ربي عسى يعوضك بانسان غيره
يعشقك من قلبه ويغمرك باحساس
ويقاسمك هالعمر شره وخيره
يفهمك ويداريك ويكون لك ساس
قلبه يكون العرش وانتي الاميره
يعشق ترابك وبيده يقدم الكاس
يروي ظماك وينفحك من عبيره
يسهر ينجي سحر لعيون الانعاس
حيث اتجه انتي هدف خط سيره
منقوووووووووووووول