قلبي اللي لواه من الصواديف لاوي=جرحته الليالى والحظوظ الرديه
والله اني بوسط الناس كني خلاوى=من يلوم المفارق عقب فرقا خويه
اشهد ان المفارق من عظيم البلاوي=مير هذا نصيبك بالعيون الشقيه
اتصبر واقول اني على البعد قاوي=والله اعلم بقلب فيه الاشواق حيه
كيف راحت يابو تركي حياتي شقاوي=وين درب السعادة والحياة الهنيه
ليت لاهل الهوى والحب قاضي دعـاوي=كان اداعي عيون اللى فراق خطيه
كنى المبلى اللى قطعته المــكاوي=كل مــاجض بالــونات زادوه كـيه
كلمات الأمير الشاعر خالد الفيصل وقد تغنى بها فنان العرب محمد عبده..