بلا ميعاد بالصدفـه تواجهنـا بـلا ميعـاد=ويامحلا الصدف لاجاتني في غير موعدهـا
تضامن لي بنات الفكر والهاجس على الميراد=وأنا من عادتي عد الروى هـداج أوردهـا
علشان الهنوف اللي لهبهـا فالحشـا وقـاد=رضخ شعري لها والنار تشعمهـا وتوقدهـا
هذيك اللي إتعن إلها البيوت وبالرسن تنقـاد=يليق لعنقهـا عقـد القصايـد يـوم أقلدهـا
ركز رمش العيون الخادره بين الضلوع أوتاد=وحكمها يسار الصـدر قبـل إنـه يوردهـا
ليا من طالت الأيـاد عنهـا تقصـر الأيـاد=كساها الله بجلباب الشرف وأضفى على يدها
وأنا ما ألوم كبدي يوم عافت لا تذوق الـزاد=معرضها سموم القيض واللاهـوب يلهدهـا
عزايه فيك ياقلبـآ مدميـك الفـراق الحـاد=عسى قطرات دمك فدوتـآ للـي ترصدهـا
سقاك الله ياذكرى طعونه والجـروح جـداد=ليا منـي ذكرتـه ماتـرام العيـن مرقدهـا
يزود الشوق من شوقه وحبي والغلا لـه زاد=على مـر السنيـن بـلا نهايـه مانحددهـا
منقول