تجرح وتسرح والمحبـه كمـا هـي


ذبحتنـي بمحبتـك عشـر مــرات
على الرغم من ذبحتك هذا انا حـي !


من قبل لا اقابلـك ماتعشـق الـذات
ومن يوم شفتك / صادروني هل الغي


وقطعت من شانك جميـع العلاقـات
وطوتني الدنيا علـى طاعتـك طـي


اعشقـك واحبـك واداريـك بسكـات
كثر الجروح اللي تجي من يدك فـي


ومن كثر حبك لا لفـت منـك كيّـات
اقول لـك:- مسمـوح واقبـل الكـي


واخاف ما املك شئ وتقول لي:- هات
واقول:- تبغـى ذي ولا تبـي ذي !!


بخيّـرك ولـك الأمـر بالخـيـارات
اما تجيني لـي و إلا تجـي لـي !!


لاتحسـب اللـي بينـا بالمسـافـات
وانت اقرب لثوبي على مسكة ايـدي


بسهر معـك والليـل قلّـه سهـالات
ماني بخايف عتمتـه دامـك الضـي


سبحان من بيديـه سبـع السمـاوات
خلا../ عيونك شمس ورموشك الفـي


كتبت فيك ابيـات وابيـات وابيـات
وإليا لقيتك قلـت:- لاوالله / شـوي !


ميّت ولكن مانـي ضمـن الأمـوات
ميّت بحبـك وانتـه تشوفنـي حـي