آه .. من ضيق النفس .. لا صارت اللقيا محال
وآه .. من جور القلوب اللي تزيد [ غيابها]


وآه .. من صدق الظنون اللي تخيبها [الآمال]
[ آه ] كلمة انتهت بي .. ما عرفت ابدا بها !!


خايفه مثل الوحيده .. ضايعه بين احتمال
احتمال الروح تفنى .. واحتمال اشقى بها


آتظاهر بالسعادة والمدامع راس مال !
الهموم اللي بصدري ليت اعرف اسبابها؟


مادريت ان القلوب تضيق من قل الوصال
لين شفت الشوق بيدينه يتل ارقابها


ولا هقيت اني احبه عدّ همّال الخيال
لين شفت ان الكرامة جثت بعتابها


ليلةٍ فيها عشقت ولا غدا فالحال حال
ايه بعد القرب صرنا من عداد اغرابها


ان سمعت الصمت ليلة لا تشاغل بالسؤال
بنت أهدتك المحبة والغلا ما عابها


وقّفت بشموخ ما تعدّت بالمجال
لا تخون ولا تعيب ولا تهين احبابها


لا سقى الله ليلةٍ فيها نويت الاتصال
دمعتي من بعد صوتك ما حسبت حسابها !!

م/ن
لمعة الماسة حساسة