تفكير يجيني لما اكتب او اعلق على موضوع
--------------------------------------------------------------------------------
تصدقون بنات ابعترفلكم باعتراف بس لاتقولون ذي مهيب صاحيه قاعده تكتب تالي الليل ومفهيه --اسمعوا اعترافي انا يابنات اخاف اذا شفت النك نيم حقي وشفت عدد المشاركات اتذكر احصاء الملائكه لكل كلمه نقولها من يوم بلغنا الى وقت كتابتنا او مشاكتنا في موضوع شي يوقف شعر الجسم ترا كلامنا هنا مهما كان موزون الى حد ما انت عارفه وش قلتي وش ما قلتي واذا شكيتي بجواب او رد تقدرين تشوفينه لكن المصيبه حياتنا اليوميه اللي نرمي الكلام على والدينا واخوانا وشغالاتنا وعيالنا ماندري وش قلنا وش ماقلنا والغيبه حدث ولا حرج خاصه الخدمات نحسب الحكي فيهن حلال - يالله احس صحايفنا مليانه مو بس من كلامنا حتى افعالنا اللي نسويها مكتوبه --الله يستر علينا ولا يفضحنا-اتخيل لو صحايف الاعمال ظاهره قدام الناس وحده على اليمين ووحده على الشمال تصدقون كان والله العظيم ان اغلبنا بتجلس في بيتها من كثر بلاويها لايشوفونها الناس -الله يسترنا في الدنيا والاخره - ولا عاد اذا استلمنا فلانه او علانه او هجمنا على بعض في المنتدى ---فالله يعينا على انفسنا وينقي قلوبنا والسنتنا ويطهرها---يمكن بعضكم يقول ذي وش تبي بس اعتبروها خواطر من اخت تحبكم ==وكل مافتحتوا عالم حوا حبيب الكل شوفوا عدد مشاركاتكم اللي دايم تطيح عيونا عليه وخاصه بعد ماصاروا مايقصرون يدلعونا بذا الشموع ويشجعونا ====لكن الله سبحانه يشجعنا بالجنه ========
=قال عليه السلام الا ان سلعة الله غاليه الا ان سلعة الله الجنه