رآئعهـ من روائـع جـلال المـيـزآني
ياليل من ينور طريقي ليااظلمت
او يختصر كان المسافات طالن
والا يرد ان كان ياليل سلمت
بحروف تشفي من شقا الوقت حالن
والا يطل ويبشر اني تكلمت
وناديت بأسمه ياهمومي تعالن
انا تعبت ومتعبن حالي الصمت
هموم قلبي فيه صالن وجالن
ياللي على صرح المحبه تقدمت
نجوم حبك في سمايه تلآلن
ماتدري انك في شعوري تحكمت
لين القصايد في وصوفك تتالن
اصبحت احبك حب ولحبك اولمت
دلال حبن فيك طالن ونالن
تقهوني شعر واحاسيس لا لمت
لمني غلا مادام الايام مالن
خذني كذا ،، والا كذا ماتعلمت
جاهل يحبك والقصايد توالن
من كثر ماحبك ومن كثر ماهمت
حتى دموعي من ظنا البعد سالن
تعبت ارد الصوت واقول مانمت
وجروح حبك في حناياي هالن
يانور عيني وين نورك لي اظلمت
عطني حروفن تشفي القلب حالن