لاغبت عني قمت اهوجس واطرّيك
ولاقالوا اسمك جيت كلي من اقصاي
سحرتني من وين مارحت الاقيك
حتي بحلمي جيت ياغاية امناي
ولو الغلا يكتب على كف مغليك
نقشت حرف اسمك على كف يمناي
ولو العمر يهدى على الناس لهديك
عمري وكل اللي ملكته بدنياي
لجلك ابيع الناس والكون واشريك
اهم شي اتكون بالحب ووياي
قربك يدفيني ولا اقدر اخليك
يامعاشرن حزني وهمي وشكواي
ادخل على الله دامني ميتًا فيك
صون المحبه واحذر اتريد فرقاي
غالي وقلبي في غيابك يناديك
يصيح بعلى الصوت ويردد اعواي
مالوم فيك الشعر لو صاح يرجيك
ومالوم فيك العين لو زادت ابكاي
مااقدر اعيش العمر لاقلت ماابيك
مااقول غير الله يلبيلي ادعاي
م/ن