أبيك تقول لي مسامح ابيك تقول لي معذور
أبيك ترد لي قلبي , وترجع يآنـظـر عـيـنـي
أبي أهديك انا قلبي وابيك ترد لي مشكور
أبي اصرخ انا بأسمك واسمع صرختك فيني
امآنه يكفي غيآبك امانه وقول لي مقدور
على ذيك الوعود اللي بقت بينك وبيني
تريث ياعذاب الموت تريث في بقى الديجور
ترا باقي على سنينه وباقي ظلمة سنيني
علامك ليه متعجل بتفضح حلمي المنثور .. ؟!
تتسابق على حزني وتغرس طعنتك فيني
مدآم الوقت يتجاهل ويسرق حبي المذكور
وش باقي على ذيك الكراسي تـعـزيـنـي .. ؟!
سوا باقي كفن يبقى ويستر جثة المقبور
وباقي هالمعزين اللي يعزو دمعه تشريني
ويغسل جسمه الغاسل ويدهنه بـ عطور
ويترك جسمه ممدد وفيهآ طعنة سنيني