ماهو نصيبي يازمن ولا الله كتبلي فيه فال=راح وتركني واجتمع (حزني)مع (القلب الصويب)
ونّيت من شوقي عليه وانا ادري بوصاله محال=وضلوع صدري يازمن تبكي واعياها النحيب
ازريت اداري دمعتي سالت ومعها الحلم سال=شفته قبل هاك السنين ماكنّها الا من قريب
في بيت جدّتنا نطيش نسوّي انواع الهبال=اصيح له بصوتي تعاااال ومن كل كلّه لي يجيب
ماكان يناديني ماغير امّ الحلا وامّ الدلال=وما كنت انا الا طفلتن بعيونها العالم غريب
من غيرته يشدّد عليّ(لا تلعبي وايّا العيال)=ومن الشقاوه اقهره اقول له (ماهوب عيب)
عشق الطفوله يازمن اصفى من الماي الزلال=وانقى من قلوب البشر مايدخله شكن وريب
اعيش لاجل يعيش بي واتذكّره بسود الليال=ارسمه قدّامي بدراتأمله قبل المغيب
ولا غاب وشمسي اشرقت اتخيله بجنبي ظلال=من وين مامشي يظلّني استشعره بوقت الّلهيب
لبّيه يا سيارته لبّا شمااااغه والعقال=ولبّا الطناخه والغلاعزّ الله ان جرحي عطيب
يارب ترزقني الصبر ياللي عليك الاتّكال=تغسل ذنوبه من برد وبالجنّه الملقى يطيب
تجمعني فيه بجنّتك ويكون لي وحدي حلال=اسقيه من نبع الحنان اللي من ضلوعي سكيب
بقول واسمحلي يابوي عقبه انا عفت الرجال=والله ما ارضى به بدل لو كل شعره بي تشيب

منقوووول