السلام عليكم ورحمة الله وبركاته
وبعد
أقدم لكم نص متواضع جداً وأتمنى أن يرتقي لمستوى ذائقتكم الرفيع
واليكم النص
الموت لامنه طواني انا الشـوق=لصاحب الي في عيونه معانـي
معنى المحبه والدفا كامل الذوق=معنى السعاده والوفا والحنانـي
انا اشهد انه غير عن كل مخلوق=ويسوى بعيني كل قاصي وداني
عز الله اني معه انا واصلن فوق=حد السحاب ومهتني بالزمانـي
ياصاحبي يافن يـاذوق يـاروق=حبك بوسط القلب ماخذ مكانـي
والله ودي لك اسوق القدم سـوق=واصلك ولا اضيع لقاك بثوانـي
ياحي طيفك كل ماصارلي طوق=ارفع عيوني له واحس بأمانـي
وياعزي لقلبن من البعد مفتـوق=وبعدك ترى عني يلخبط كيانـي
ولكم مني خالص التقدير
أخوكم فز/////ع