كشتة بنت البقوم
كُتب : [ 23 - 01 - 10
- 03:17 AM ]
السلام عليكم ورحمة الله وبركاته
صباح \ مساء الخير
اخباركم ان شاء الله بخير ؟
في اليوم الخميس الموافق 6\2\ 1431 هـ
اتفقت العائله مع بعض الاهل والاقارب يوم الاربعاء على الكشته للبر يوم الخميس وتم تحديد موعد الطلعه
وكان بعد صلاة الفجر مباشره
صلينا الفجر وطلعنا
وبصراحه ما كنت ابي اصور ويوم سمعت خبر حلو قبل اطلع جاني حب للتصوير وحبيت اصور لكم
الكشته >>> ما خلت شي ما صورته ههههه
واخليكم مع الصور
هذه اول ما تحركنا من البيت اخذت لكم صوره ع السريع وكان واضح فيها اثر امطار يوم الا ربعاء
وهذه صور للمزروع لما مرينا من جنبه حبيت اصوره لكم
وبعدها وقفنا عند المحطه واخذنا بعض الاغراض بس نسيت اصورها لكم وتحركنا متجهين للمكان المقصود
وهذه صوره لشروق الشمس في الصباح الباكر
وهذه صوره للطريق واحنا متوجهين للمكان المتواعد فيه
وكان لابد اني اخذ لكم كم صوره وحنا بالطريق واخليكم مع الصور
وحنا في طريقنا للبحث عن مكان مناسب نحط رحالنا فيه شفت هالناقه والحوار وحبيت انكم تشوفونها معي
وبعد ما لقينا المكان الزين نزلنا خروفنا وتولى عملية الصلخ عمي
وهذه خيمة للرحلات العائليه اليوميه تم بنائها على يدينا حنا يالستات ههههههههه
وهذا عفشنا واغراضنا >> اللي يشوفنا يقول بنجلس اسبوع كامل مو طلعة يوم
وبعد ما بنينا خيمتنا وحطينا الاغراض رحت اتمشى واخذ كم صوره من فوق الطعوس
وبعد التمشيه في البر جاء وقت الفطور بس نسيت اصور لكم الا بعد ماتم القضاء على نص الفطور
وبعد الفطور لابد من التمشيه شوي في البر علشان نهضم الاكل ههههههههه ولابد من التصويرواخذت لكم هالصوره
وبعد الدوران في البر جاء وقت الغدا وطبعا ما كثرنا >>> لان البطون مليانه من الحلويات والمعجنات والخرابيط >> حريم ههههههه
ولما جاء العصر رحنا نتمشى شوي واصور طبعا واخليكم مع الصور
وبعدها قررنا العوده والرحيل
واخذت لكم صور على السريع
وعند طريق عودتنا شفت مجموعه من الابل واصريت على الوالد انه يوديني لها علشان اشوفها واصورها ولو انه كان متاخر شوي على الدوام بس مارد لي طلبي الله يخليه لي ووداني لها وصورت لكم كم صوره
هذه الصوره من بعيد
وهذه لما قربنا لها شوي
وعند تصوير للابل شفت هالصوره وقلت اصورها ويقال لها الحدج على ما اعتقد واذا ما كنت ناسيه >>> كل شي تصوره هههههه
وهذه صور مجموعه من المتنزهين متجهين للبر
وهذه الصور عندما بدءت الشمس بالمغيب
وبكذا انتهت كشتتنا واتمنى اعجبتكم
واسفه على ردائة بعض الصور
تحيااااااااتي لكم
(( بنت البقووم ))
|