ياذا الزمن شفنابك اشكال والوان = شفــــــنا العجايب كلها صادره منك
شفنابك منافق وكاذب وخـــــوان = لايازمن في ساعة الجــــد مااشينك
ياذا الزمن مانتــــه شبيه(ن) للازمان = مدري فتنت الناس والا اهي تفتنك
صار الرفــــيق يقابلك طــّيب لسان = ولا اقفيت عنه بخنجر الغدر يطعنك
والناس صارت مثل زندن وصوان = ولاعاد ينفع طيب ساسك ومعــــدنك
ولاعادتفرق بين راسن وكرعان = والشيخ صارت شيخــــته داخل البنك
وصار الذهب مغشوش في كل دكان = وصار الحديد الصلب في داخله زنك
وصار الخطاء مسموح في كل الاحيان = لو مالعـــــنت الناس لابـــــــــد تلعنك
حتـــى ولو انك مقــفـّي وقـــــنعان = راع الخطــــــــاء يلحقك حتى يجننك
لكــــــن انا ياوقــــت مانيب بلشان = احسب حسابي واصرف ريال وفرنك
ان كانهي بالعرف وانابن ميزان = انا حكـــــــيم الراي ماصدري بضنك
وقت التحدي وقفتي وقفت حصان = يالي تهـــــــــاون لايغـــــرك تهاونك
للخــيل خياله وللحرب فـــــــرسان = ماني مــــداهن غيرك ولامـــــداهنك
لامنها هـــــلت سحــــــابه وربان = رحاتنا مع جمــــــــــلة الحب تطحنك
ياطير بن برمــان عـــــود لبرمان = لاتشغــــــــل العالم وهم مادرو عنك
والي يذم الناس مخطي وغلطان = يامثـــــمن العالم تراها تثمنـــــــك
والطـّيب الي مايناظر بحقران = ولاخانو اهل الغدر ماهوب خاينك
والا الضعيف ضعيف لوكان ماكان = ابوي وصـــــــاني وقال اتركه عنك