لا ياشعري اسمع واستمع وانصت لي الأذان =ابيك تقوم بمهمه وغيرك ما يسويها
ابك تغوص في بحر الفكر وتجيب لي كل دان =قصيده حروفها بماءالذهب والدر قوافيها
قصيده ما كتبها قبل هذا انس والا جان =قصيده للكريم ابن الكرام اليوم ابهديها
ابيك تطير في جو السما ثم تفرد الجنحان =كــأنك حــر اشــقر شاف له صيده ويبغيها
ابيك تروح حق مذود أخو مسير عظيم الشان =تقبل هامته وهذي القصيده عنده تلقيها
وبارك هالتخرج له عسى يبارك به الرحمان =ووصــل لــه تـحياتـي من اولــها لـتاليـها
اجل وشلون وما تجيب التفوق وانته كحيلان =كديش الغرب تسبقها ثم غبارك يغطيها
تبي تعرف بان انته حبيب الشعر والاوزان =وان اشعاري تفرح بك اذا اسمك طرى فيها
انا باقول بك شطر يشيل اسمك بلا نقصان =يشيل اسمك وافاخر بك وانا شاعر واسويها
اخوي مذود بن مساعد ابن صحران =قصيدي شال اسمك والتحيه لك يأديها
خذيت الطيب من عبدالله وحمدان ياطيب الجدان =وابو صقر اهدى له صفاته وصرت راعيها