وهذه هي القصيدة اللي كتبتها أم السجين





غيري ينام ومهتنـي فـي منامـه
وانـا لذيـذ النـوم مــازار عيـنـي

سهرانةٍ والليـل مُوحـش ظلامـه
يجمع لي احزاني ويدعي ونيني

ولّيـت يالـيـل الأســى والنـدامـه
هـمّـك توَطـانـي وبـيّـح كنـيـنـي

أبغا السلامه بس ويـن السلامـه
عيني تشوف وقاصـراتٍ يدينـي

غيّب ضناي وغابـت الإبتسامـه
حُكـم المقـدّر حـال بينـه وبيـنـي

سجين ماأشوفه ولا أسمع كلامه
ماغيـر طيفـه كـل لحظـه يجينـي

والسجن في الغربه يهز الكرامه
ياحـرّ كبـدي بعـد فرقـا ضنيـنـي

وين انت ياللي تستحق الزعامه
يافزعة المضهـود نعـم العوينـي

ياخـادم البيتـيـن فـخـر الإمـامـه
حبل الرجا ممـدود بينـك وبينـي

أجبر كسـر قلبـي وحقـق مرامـه
أفزع فديتك تكسب الأجـر فينـي

تكفا ياابو متعـب مقـرّ الشهامـه
الحيـل واهـن والزمـن مبتليـنـي

قلبي ورا قضبان سجـن المنامـه
ردّه علـيّ تزيـن بـاقـي سنيـنـي