رفقاء الرحلة :
الشيخ / ناصر بن خالد بن مدلج .
الشيخ / راكان مناور بن مدلج .
الأستاذ / بدر بن ناصر بن مدلج .
الأستاذ/ عائض بن سعدون الضبيطي .
الأستاذ / راكان بن ناصر بن مدلج .
الأستاذ / مقرن بن بدر بن مدلج .
المهندس / محمد الشلاحي .

يوم جانا راعي الطيب فزنابه = برحلةٍ بالونس والخير معموره
محمد اللي بالوفى فاتح بابه = ولا انثنى دون القبيلة بمقدوره
وأمس في دارالموشم لفينا به = زين فيها العشب والأرض ممطوره
منظرٍ خلاب وأجواء خلابه =ورحلةٍ من بد رحلاتنا اسطوره
قادها شيخٍ ينومس ويبدابه = سيرته في كل الأقطار مشهوره
أبن مدلج يوم جانا فرحنابه =كلنا في طاعة الشيخ في شوره
وابو مشعل بالمكارم يحلابه = ولا يضيق الصدر في جو اخو نوره
وعايض السعدون نعمٍ ومن لابه = لابةٍ بالطيب ماهي بمثبوره
وابو تركي يشفي اللي تعزوابه = وافيٍ راكان ما تنقص شبوره
كل رجمٍ عالي القرم عدابه = يتعب أهل الطيب والناس معذوره
من يماري نادر ضرب مخلابه = يشبع الأصحاب وأعداه مذعوره
ومقرن اللي بان فعله مع اصحابه = ما ثنى عن ماقفه واضحٍ دوره
وأعذروني كان قصرت بالجابه = يوم شرحي بالشعر بانت قصوره