منتديات الموازين الرسميه - عرض مشاركة واحدة

غير متواجد حالياً

أهلا هلا يا جرح دقيت بابي
تفضل وما من غريبين يمي

هذي تناهيدي .. وهذا عذابي
والشايب اللي مرتكي ذاك همي

عفوا .. نسيت آعرفك في جنابي
أنا الحزينه بنت همي وغمي

إجلس على قلب من أيام طابي
وخذ راحتك والبيت بيتك .. ياعمي

تفضل إقدع من ثمار اكتئآبي
وسم وتقهوا من فناجيل دمي

وإشرب من دموعي بكاس اغترابي
وسولف على كيفك ليا طاب ذمي

وأقطف من ايامي وزهرة شبابي
في كفك اللي لا ذبح ما يسمي

أنا رويت بجيتك من سرابي
والا الزلال إليا شربته يضمي

لا كيف ولا كم .. بدد صوابي
لا يشغلك يا جرح كيفي وكمي

ذا عقدي الثالث بدا وانتها بي
واذا انفرط عقد العمر ما يلمي

م ن ق

غــــــيـــــــوض