بمزاين البل فرض حكاماً احرار=الشعر لويكتب يجيب الجزالي
البل عطايا الله من اكبار واصغار=نعمه من المولا عزيز الجلالي
سفن الصحاري من قديمات الاعمار=ما مثلهن فالوقت باول وتالي
اجرومها ضخمه وعضلات واكبار=ياطيبا يازينها فالحلالي
من خلقها تلفت لها كل الأنضار=جردً تهيل ابها عقول الرجالي
متخالفاتً بينهن لون وشعار=تسرح وتمرح بين سود الليالي
يطيب خاطرها ليا جات الامطار=وتزيد بخطاها جنوب وشمالي
نتبع هواها دوم في كل الأقطار=وهذا هواها ياكرام السبالي
صفر ومجاهيم ومغاتير فالدار=وشعل وحمر تمشي على كل فالي
كل عام لام ارقيبه اتروح زوار=ويشاركون ابها قروم العيالي
من زينها تشفق لها كل الأقمار=اهل الفضاء واهل الصحف والمجالي
كلاُ يباريها من ايمين ويسار=كلاً يريد الفوز والراس عالي
بسم الموحد يوم كلاً له اوقار=عبدالعزيز اسمه يهز الجبالي
ومشعل كريم الكف للعظم جبار=غيثُ كفوفه مثل وبل الخيالي
واختامها يالله تحفظ هل الدار=اطهر بلاد وحبها راس مالي