افتح شبابيك الهـوى جيتـك اليـوم
.... باحساس من زود الوله عده ايطيـر
جيتك مثل طفلٍ له ايـام محـروم
.... عن حضن امـه بعدتـهالمقاديـر
وجيتك مثل عودٍ له ايـام مهمـوم
... . وده يلاقـي باخـر الوقـت تقديـر
وجيتك حضن عاشق وهايم ومغروم
.... وده يضمك لين تصبح علـى خيـر
متى تحس ان الهوى شـي مقسـوم
.... من قسمة الخالق على خلقه يصيـر
ومتى تحس اني لك اطيـح واقـوم
.... واتعب على شانك واقدرك وآغيـر
لي في هواك احلام وآمال وعلـوم
.... واحزاب واصحاب وقصيد وجماهير
وهموم وافكار وهواجيـس وحلـوم
.... و دروب واخطار وعذاب ومشاوير
وحب وغلا واخلاص و معااند ولوم
.... واحساس والهام وشعور و تـفاكيـر
وصحبة سهر ومقاطعة لـذة النـوم
.... واشواق جياشـه وعشـق و تعابيـر
في ذمتك مابان لـك شـي مكتـوم
.... من بعد ماصورت الاوضاع تصوير
لاتحسب انك شي عابـر و معـدوم
.... وتاريخ حبك فـاق كـل الاساطيـر
كنـي لقيتـك بأغنيـه لأم كلـثـوم
.... وكني قريتك في روايـة شكسبيـر
في كل شي اتخيلك واسمعـك دوم
.... واتأملك في الوقت الأول ولآخيـر
من ماضي الأيـام لايومـك اليـوم
.... وغلاك عندي ماحصل فيـه تغييـر
وانا لك الله ما أقبـل البيـع والسـوم
.... ولا ارضى علي ولاعليك المخاسير
لاْني الوحيد اللي على بحرك يعـوم
.... واللي عرف مرساه في رحلة السير
لحظه حبيبي قبـل يسبقنـي النـوم
.... ابي اضمك لين تصبح على خيـر
،،،، ممـــــــا راق لــــــــــــــــــــي ،،،،
م/ن