راكب اللي كل خط يستويله =من دكاك الارض ولا من جبلها
جيب لاندكروز جديد موديله =وارد اليابان صانعته دولها
صمموله الدبل في كل ويله =فور رمز بالدبل بأربع عجلها
نصه اللي كل مضيوم يجيله =قام في صفه وعوجاه يعدلها
حمله الرديان ما تقدر تشيله =له فعول معجزة ما حدن فعلها
كل قوماته لما يرضي القبيله =في طلب شيبانها ولا جهلها
عادة لك يا بو جزاع الجميله =العلوم اليبات أنته جملها
أنت حلال الامور المستحيله =أن تشربك حلها وأطول جدلها
تبدي المجهود يايا من وسيله =أين ما وجهت لك بك سهلها
شيخنا اللي كلبونا نلتجيله =والحمول الكايده عنا حملها
الكرم والجود مداتك جزيله =خمس سيارات معروفين أهلها
عادة القطمان كسبات النفيله =في نهار الضيق ون ضيق بأهلها
كم هنوف من ملاقاهم هبيله =أما تبكي عيالها والا فحلها
طاح بالميدان ماش أحد يشيله= بالموشم وقعة ما حد جهلها
ضدهم عود لك الله بالفشيله =خلوا الشيبان يوم الله فشلها
جعل نو الغيث من ندر المخيله =مزنة يسقي لي الدمثي وهلها
لين كل شعيب يطلع عن سبيله =يروي الديره ويسقي لي نخلها

منقول