سلام ياشعري وامسيك بالخيـر
وابنشدك عقب البطا كيف حالـك
هو أنت تذكر طلتي حزة عصير
راحت وجيت اليوم والهم جالـك
لاتحسبني في قدومـي تباشيـر
ماظنتي في مقدمي وسـع بالـك
رفيقك الي معاشره جـاه تغييـر
وعضيدك الي لاوقعت ارتكالـك
وأنته رفيقي لاجفوني المساييـر
لإنك ضيوفي لو تجينـي لحالـك
هو الصلاه تجوز من غير تكبير
وإلا مجالي يختلف عن مجالـك
تدري بدونك في الملا مقدر اسير
وإن شفت فالي قول ياشين فالـك
وتدري أفكر بك معا طلعت الطير
وأذكر جزيلك واتحرى وصالـك
لو كنت ماتحير جميع التفاكيـر
والله ما يكمـل بعينـي جمالـك
الي بقوله ماحصل منك تقصيـر
انا الذي قصرت ثم جيت هالـك
م/ن