السلام عليكم ورحمة الله وبركاته
يا حيّ من هو عاش في حال مستور
قلبه نظيف ومـا يعـرف اللئامـه ..
مومن بأنّ الكون فـي فُلكـه يـدور
بامر الإله لحيـن يـوم القيامـة ..
يوم ايتبعثر كلّ مـا تحمـل صـدور
في حينها نرجي قليـل السّلامـة ..
يا قلب وش بك ؟ و انت ياقلب معذور
يا ما تحمَّلـت الصبـر والتزامـه ..
الحزن يحفـر داخـل ترابـك قبـور
مدفون فيها ( حلم ) صعبٍ مرامه ..
كنّك سفينة قادهـا شخـص مخمـور
في وسط غبَّة بحْر ، نصَّب خيامه ..
المشكلة مـا ينفعـك طـبّ دكتـور
حتى ولو زاد الطّبيـب اهتمامـه ..
خلّك على خبْري من سنين ودهـور
أصبَر من اللي رايته في سَنامـه ..
وأحنّ مـن أمٍّ لهـا أيـام وشهـور
ضايع ولدها قبـل حيـن الفِطامـا ..
وأشجعْ من اللي عاش في عالم الجور
وأكبر همومه ، حلَّهـا بابتسامـة ..
شفني أنا .. عايش على نفسي الدور
والصّبح يمحي ليلٍ أسود ظلامـه ..
فـإن كنت ياقلبي من الضّيم مقهـور
شف كيف نظرات الصّغار اليتامى ..
وإن كنت فاقد فـي زوايـاك للنـور
اسْجِد لربّـك ، واستلـذّ بكلامـه ..
وإلا الحياة بكبرها (زيـف وغـرور)
والعاقـل اللـي يلـزم الإستقامـة ..
قد قالوا أهل العلم ، والفهم ، والشور
( من يحترم نفسه يزيد احترامه .. )
****
م/ن