ادله واسولف لين تطري على البال
ايـام مـرت كنهـا حلـم نــوام
يوم اللقا بيني وبينـه علـى جـال
بحر الغرام اللي به الكـل عـوام
لايستمع واشـي ولاقـول عـذال
نشوة غرامه تحكـم الشـك بعـدام
عن غيرها تفرق لياجـات تختـال
مشية اصيله فالمعارك لها اوسـام
الياتبسم لاح لـي بـارق اخيـال
من مبسم(ن)ريقه دوا كل الاسقـام
والله لو يدري النحل عنـه لاسـال
ليعاف كل الـورد ويجيـه حـوام
واللي محلي خدهـا حبـة الخـال
استغفـر الله كنهـا رسـم رسـام
الخصر مقياسه مقاس اصغر عقال
ظامر وكنه من عنا الجوع منظـام
نبرات صوته فارقه مالهـا امثـال
يرجع ابو نوره ورى وترجع اريام
المووت لاجرت من الوجد مـوال
اتل الخطا صوبه وانا حافي اقـدام
وليا انتهينا من اللقا ظمنـي وقـال
لايطول غيابك دخيلك عـن ايـام
مقدر اقاوم جمرة(ن)تشعل اشعـال
جسمي رقيق وغيبتك الف مرقـام
راحت ولايبقالهـا كـود سلسـال
سلسال ويحكم عشق غيره بالاعدام
والله محسد فالبشـر كـود رجـال
صارت حليله له على شرع الاسلام
م/ن